Master the Art ofMagic and Psychology

每一個人，去到生命唔同嘅階段，或者都曾經感受過：當我哋走得越遠、爬得越高，隨之而嚟嘅挑戰，其實正正係一種成長嘅邀請。

正如前輩所講，當你嘅層次提升咗，你所面對嘅「對手」或者「難題」都會變得更艱巨。但你有無試過停低諗吓，好多時候，「難題」之所以變得難解決，係咪因為我哋仲未夠清楚咁睇到成幅圖畫，或者未搵到嗰個最適合嘅切入點？

當人生遇到唔同嘅轉折，我哋習慣向外尋求專業——搵醫生、搵律師。但當嗰個最核心嘅人生課題出現嘅時候，你又會點樣去成為自己生命入面，最可靠嘅「主診醫生」同埋「辯護大律師」呢？

喺 Ivan 嘅堂入面，你或者會體驗到呢一種轉變。

佢唔係要成為你嘅「主診醫生」或者「辯護大律師」，而係透過一啲獨特嘅方式，教識你點樣去睇得更深、更遠。當你開始投入呢個學習過程，你可能會慢慢發現：

1.你對於自己嘅理解，開始變得越嚟越全面、越嚟越立體。過往可能困住你嘅生活圈子或者背景，喺呢一刻，似乎都變成咗你睇清自己嘅踏腳石。

2.當你嘅視角唔再一樣，你會更加明白「辦法總比困難多」呢句說話嘅深意。因為好多時候，困住你嘅並唔係難題本身，而係你有無「睇得夠清楚」。

3.最珍貴嘅時刻，往往係當你喺自己心底入面，搵到嗰個屬於你、獨一無二嘅答案。嗰種感覺，係任何外部專家都俾唔到你嘅。

當你學識點樣處理人際關係、點樣解讀自己嘅生命，去成為「自己嘅專家」，呢份得著，比起重金聘請任何顧問都嚟得更有價值。因為當你開始懂得向內探求，你就會發覺，原來生命入面最大嘅力量，一直都喺你手入面等待被發現。

感謝Ivan 尋日嘅教學分享

其中嘅Storytelling 同其他嘅技巧都提升咗我整合嘅能力

我覺得舉例子方便同埋互動破冰方面都做得幾好

Even我本身一個人都唔識，我都可以好快融入到個討論環節

呢係課堂中，我認為最緊要就係有互動

謝謝 Ivan 的高階 Reframing 教學分享，讓我再次整理到 Reframe 在催眠工作中的核心價值。

同一件事，每人都會透過自己嘅信念、經驗、身份同角色去閱讀同詮釋。

而催眠其中一個重要功能，係幫助一個人發現：「原來我一直以為嘅真相，只係其中一個角度。」

當一個人能夠自由穿梭於不同 Frame（框架）之間，

佢就唔再被單一信念所限制，而開始擁有更多空間與彈性。

Therapy 的核心，往往唔係改變事件本身，而係改寫一個人對事件嘅限制性信念。

除咗深化 Reframing 的理解之外，亦學習到如何配合Storytelling、Insight、Contextual Communication，

以及 Parts Communication 等技巧，協助個案整合不同面向的自己，建立更完整的 Reality。

很多時，困住一個人的從來不是事實本身，而是他對事件的解讀。

當 Frame 改變，他的世界便會隨之改變。